ग्यास अभाव हुन नदिन आधा सिलिण्डर
ग्यास अभाव हुन नदिन सरकारले आधार सिलिण्डर मात्र ग्यास बजारमा पठाउने तयारी गरेको छ ।
भारतले समेत लकडाउन गरेपछि आयातमा असर परेको ठहर गरेको सरकारले नेपाल आयल निगमलाई सोही अनुरुपको तयारी गर्न निर्देशन दिएको बुझिएको छ ।
आयल निगमले बुधबार राति यस्तो निर्देशन दिएपछि उद्योगीहरु त्यसैको तयारीमा लागेको ग्यास उद्योग संघका पूर्वअध्यक्ष शिव घिमिरेले जानकारी दिए ।
यसअघि २०७२ सालमा भारतले नाकाबन्दी लगाउँदा पनि बिषम परिस्थिती आएपछि आधा सिलिण्डर मात्र ग्यास वितरण गरिएको थियो ।
