काठमाडौँ । सुनको भाउले बुधबार नयाँ रेकर्ड बनाएको छ ।

सुनको भाउ आज एकैदिनमा तोलामा २२ सय रुपैयाँले बढेर तोलाको अहिलेसम्मकै महंगो तोलाको ८० हजार ५ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।

यसअघि गएको फागुन १२ गते सुनको भाउ तोलाको ८० हजार ३ सय रुपैयाँमा कारोबार भएको थियो । गएको आइतबार एकैदिन तोलामा १२ सय रुपैयाँ घटेको सुनको भाउ सोमबार स्थिर रहँदै तोलाको ७८ हजार रुपैयाँमा कारोबार भएको थियो ।

त्यस्तै आज तेजाबी सुन पनि प्रतितोला ८० हजार २ सयमा कारोबार भइरहेको नेपाल सुनचाँदी व्यवसायी महासंघले बताएको छ।

चाँदीको भाउ पनि तोलामा २० रुपैयाँ बढेर तोलाको ८ सय ८० रुपैयाँमा कारोबार भैरहेको महासंघले जनाएको छ । 

 

#नेपाल सुनचाँदी व्यवसायी महासंघ